У рамках святкавання Дня работнікаў сельскай гаспадаркі і перапрацоўчай прамысловасці аграпрамысловага комплексу УК "Музей баявой садружнасці" прадставіў выставу "Расонскі край пад крыламі птушак". Выстава "Расонскі край пад крыламі птушак" - гэта погляд на малую радзіму з вышыні птушынага палёту. Кожны здымак адкрывае стрыманую прыгажосць невялікага пасёлка на поўначы Віцебскай вобласці. На фотаздымках адлюстраваны добраўпарадкаваны адміністрацыйна-грамадскі цэнтр г.п. Расоны, спакойныя вуліцы райцэнтра, велічныя архітэктурныя помнікі і маляўнічыя пейзажы Расонскага раёна.
